Жил бүрийн 5, 10 дугаар сард бүх нийтээр мод тарих үндэсний өдөр тохиодог. Энэ хүрээнд төрийн болон хувийн хэвшлийн байгууллагууд нийгмийн хариуцлагынхаа хүрээнд эх орныхоо өнцөг булан бүрт ногоон байгууламжийг нэмэгдүүлж, мод тарьдаг уламжлалтай.

Өнөөдөр Эрүүл мэндийн яамны харьяа байгууллагууд “Тэрбум мод” үндэсний хөдөлгөөнд нэгдэж “Байгалиа хайрлая” мод тарих өдөрлөгийг Налайх дүүрэг дэх цэцэрлэгт хүрээлэнд зохион байгууллаа.

Үйл ажиллагаанд ЭМДЕГ-ын дарга Л.Бямбасүрэн болон зарим удирдлагууд оролцож Нийслэл хотынхоо ногоон байгууламжийг нэмэгдүүлэх, амьдарч буй орчноо сайжруулах үйлсэд нэгдэн шинэс мод тарилаа.

Даатгуулагч таныг мөн амралтын өдрөө ая тухтай өнгөрүүлэхийн зэрэгцээ нийгмийн хариуцлагаа хэрэгжүүлж ногоон хот, ногоон ирээдүйн төлөө мод тарихыг уриалж байна.