Эрүүл мэндийн яамнаас коронавирусний халдварын нөхцөл байдал, тархалтын талаарх ээлжит мэдээллээ хийлээ.
ХӨСҮТ-ийн захирал Д.Нямхүү:
Өчигдөр ХӨСҮТ-ийн 2, Дархан-Уул аймгийн нэг лабораторид нийт 357 хүнд коронавирусний шинжилгээ хийлээ. Бүх шинжилгээний хариунд коронавирус илрээгүй.
Үүнийг задалж хэлбэл ажиглах байранд тусгаарлагдсан Токио-УБ чиглэлийн тусгай нислэгээр ирсэн 261 хүний давтан шинжилгээ, ажиглах байранд тусгаарлагдсан 66 хүний давтан шинжилгээ, ХӨСҮТ-д хяналтанд байгаа 7 хүний шинжилгээ, тандалтын 6 сорьцонд шинжилгээ хийхэд бүх шинжилгээний хариу сөрөг гарсан.
Мөн Алтанбулагийн боомтоор орж ирсэн ачаа тээврийн 23 сорьцонд шинжилгээ хийхэд коронавирус илрээгүй.
Нийт батлагдсан тохиолдол 220 байна. Үүнээс эдгэрсэн 175 тохиолдол байна.
Одоо эмчилгээнд 45 хүн байна. Биеийн байдлын хувьд 34 хөнгөн, 11 хүндэвтэр хүн байна.
