БЗС-гийн мэдээллийг ил болгож, 1997-оос хойшхи зээлийн бүх дүнг нэгтгэж зарлаад буй. Гэвч тус сангаас зарим улс төрчид болон тэдний хамаарал бүхий хүмүүс зээл авч суралцсан болох нь ил болж, олон нийтээс ихээхэн шүүмжлэлийг хүртээд буй юм. Тухайлбал, Ерөнхийлөгч У.Хүрэлсүхийн ахлах зөвлөх буюу Хүний эрх, иргэний нийгэм, залуучуудын бодлого хариуцсан зөвлөхөөр ажилладаг С.Лүндэг нь 2012 онд АНУ-ын Стрэйерийн их сургуульд суралцахаар БЗС-гаас 32 мянган ам.долларын зээл авч байжээ. Үүнийг одоогийн ханшаар тооцож үзвэл, 110 сая төгрөгтэй дүйцэх зээл авч гадаадад суралцсан гэсэн үг юм.
