Өнгөрсөн шөнө Сүхбаатар аймгийн нутгаар хүчтэй цасан шуурга шуурч байгалийн онц аюултай үзэгдэл боллоо. Шуурганы үеэр малынхаа араас явсан 30 гаруй хүн ор сураггүй алга болоод байна. Аймгийн онцгой комисс иргэдийг эрэн хайх ажлыг яаралтай эхлүүллээ.
Шуурганы улмаас Баруун-Урт хотын ундны усыг хангадаг Шовдолын худаг цахилгаангүй болж аймгийн төв ундны усгүй болоод байна. Иргэдэд нөөц ус хүргэх ажил эхэллээ. Мөн Сүхбаатар аймгийн 5 сум бүхэлдээ цахилгаангүй болоод байна.
Шөнийн шуурга зарим үед 30 метр секунд хүрч их хэмжээний хохирол учрууллаа. Олон тооны мал хорогдож, байшин барилгын дээвэр, хашаа нурсан байдалтай байна. Одоогоор хохирлын хэмжээг тогтоогоогүй байгаа юм.
Шуурга одоог хүртэл ширүүн хэвээр байна. Урд сумдын малчин ард иргэд сонор сэрэмжтэй байхыг анхаарууллаа. Мөн Өндөрхаан Мөнххаан чиглэлийн автозам гурван хэсэгт зорчих боломжгүй байгаа тул хөдөлгөөнийг хаажээ. Үдээс хойш гэхэд нээхээр тооцсон байна.
