Бага оврын автобус суудлын автомашинтай мөргөлдсөн зам тээврийн осол гарчээ. Тодруулбал, Говьсүмбэр аймгийн Баянтал сумын Их-Уул багийн 16-р зөрлөг гэдэг газарт Бага оврын автобус суудлын автомашинтай мөргөлдөж автомашины эд ангид нэг хүн хавчуулагдсан тухай дуудлагыг тавдугаар сарын 14-ний өдрийн 21:07 цагт хүлээн авсан байна. Тус аймгийн Онцгой байдлын газрын Гал түймэр унтраах, аврах 37 дугаар ангийн алба хаагчдыг очиход “Хьюндай Кант” загварын бага оврын автобус, иргэн Х-ын “Приус-20” загварын суудлын автомашинтай мөргөлдөж автомашины эд ангид иргэн Б /61 настай, эрэгтэй/ хавчуулагдсан байсныг 22:17 цагт эсэн мэнд гарган тус аймгийн Нэгдсэн эмнэлгийн мэс заслын эмчид хүлээлгэн өгсөн аж.