11-р тойрог буюу Өмнөговь аймгийн 2 мандаттай тойрогт урьдчилсан дүнгээр МАН болон АН ялалтыг тэнцүү хуваалаа. Өөрөөр хэлбэл, МАН-аас тус тойрогт Н.Наранбаатар 14,530 санал авсан бол АН-аас нэр дэвшсэн Д.Бат-Эрдэнэ 13,407 санал буюу олонхийн саналыг тус тус авч, ялалт байгуулсан юм.
Харин МАН-аас нэр дэвшсэн, Монголын сэтгүүлчдийн нэгдсэн эвлэлийн Ерөнхийлөгч Х.Мандахбаяр саналын тоогоор гуравдугаарт бичигдсэн ч, тус тойрог 2 мандаттай тул УИХ-ын гишүүний болзол хангаж чадсангүй.
2020 оны Сонгуулийн албан ёсны дүнг маргааш СЕХ-ноос нэгдсэн байдлаар зарлах юм.
