УИХ-ын ээлжит сонгуулийн урьдчилсан дүн гарч байна.

Тус дүнгээр энэ удаагийн сонгуульд Монгол Ардын Намаас 20-р тойрог буюу Орхон аймагт нэр дэвшигч Ц.Нямдорж, 26-р тойрог буюу Баянгол тойрогт нэр дэвшигч Д.Лүндээжанцан нар өвдөг шороодлоо.

Д.Нямдорж нь УИХ-д 1992 оноос хойш 7 удаа, Д.Лүндээжанцан нь 8 удаа сонгогдож байсан эрхмүүд юм. 

Д.Нямдоржийн нэр дэвшсэн 20-р тойрогт Орхон аймгийн Засаг дарга Д.Батлут, Монгол Улсын Ерөнхий сайд асан Н.Алтанхуяг, Та бидний эвслээс нэр дэвшигч С.Ганбаатар нар гишүүнээр суух магадлалтай байна. Харин Д.Лүндээжанцангийн нэр дэвшсэн 26-р тойрогт МАН-аас нэр дэвшигч Х.Ганхуяг, Ж.Ганбаатар, Баянгол дүүргийн Засаг дарга С.Одонтуяа нар дийлэнх саналыг авчээ. 

Энэ удаагийн сонгуульд МАН 62, АН 11, Та бидний эвсэл 1, Зөв хүн электорат эвсэл 1, Бие даагч 1 суудал аваад байна.