АН өчигдөр /2023.04.20/ албан ёсоор нэгдэн нийлж буйгаа зарлаж, АН-ын дарга асан С.Эрдэнэ өөрт байсан тамгаа шинэ дарга Л.Гантөмөрт хүлээлгэн өгч, зөвшилцлийн санамж бичиг байгуулсан юм. Тус үйл явдалтай холбогдуулан Ерөнхий сайд асан С.Баяр өөрийн албан ёсны цахим хуудсаараа дамжуулан дараах байр суурийг илэрхийлэв.

Тэрбээр "Баяр хүргэе. Ардчилсан нам (олон нэр зүүж ирсэн ч энэ бол жинхэнэ нэр нь гэж итгэнэ) учраа олж. Ажлаа хий. Цөөнх шиг цөөнх бай. Олонхи болохын төлөө зөв бодлогоо дэвшүүл. Энэ нь аль ч намд, эцсийн дүнд Монгол улсад маань хэрэгтэй. Амжилт хүсъе" гэжээ.