АН-ын дарга Л.Гантөмөр, С.Эрдэнэ нар өнөөдөр мэдээлэл хийж, нэгдэж буйгаа албан ёсоор зарласан. Улмаар С.Эрдэнэ өөрт байгаа АН-ын албан ёсны тамгыг АН-ын шинэ дарга Л.Гантөмөрт гардуулан өгсөн юм.
Энэ талаар ЗГХЭГ-ын дарга Д.Амарбаясгалан "Л.Гантөмөр даргатай Ардчилсан нам сүүлийн жилүүд дэх дотоод зөрчил маргаанаа даван туулж, нэгдэн ажиллахаар болсонд баяр хүргэе. Хүчтэй сөрөг хүчний оролцоо парламентын засаглалын амин сүнс билээ. Улс төрийн намууд бодлогын институт болж төлөвших нь парламентын засаглалын үндэс суурийг улам бэхжүүлнэ.
Улс орныхоо хөгжлийн төлөө бодлогоор өрсөлдөж, шийдлээ уралдуулцгаая" хэмээжээ.
