БОАЖ-ын сайдаар ажиллаж байсан Л.Гансүхийн хэргийг шалгаж дуусан прокурорын байгууллагад шилжүүлжээ. Тодруулбал, түүнийг албан тушаалын байдлаа урвуулан ашиглаж, бусдад давуу байдал олгосон гэх үндэслэлээр шалгаж байсан юм.
Л.Гансүх нь Байгаль орчин, аялал жуулчлалын сайдаар ажиллаж байхдаа нутгийн найз гэх Г-ийн эхнэрийн компанид давуу байдал бий болгож, Хан-Уул дүүргийн нутаг дэвсгэрт 6233.04 м2, 97473.6 м2 талбай бүхий газрыг ашиглах зөвшөөрөл олгожээ.
Тодруулбал, “Инэл”, “Твин хаус” ХХК-нд ашиглах зөвшөөрөл олгосон аж. Энэ нь албан тушаалаа ашиглаж, тус газруудыг нутгийн найзынхаа эхнэрийн компанид олгоход нөлөөлсөн хэмээн буруутгагдсан байна.
