Өнгөрсөн хоногт Нийслэл хотод 3~10 мм цас орж, цасны зузаан Хан-Уул дүүрэг Мишээл экспо орчмоор 15 см, Нисэх-Яармаг орчмоор 8 см, хотын төв хэсгээр 4 см байгаа бол Багануурт 3 см, Тэрэлж орчмоор 11 см зузаан цасан бүрхүүл тогтжээ.

Мөн цочир хүйтэрсний улмаас Нийслэлийн гудамж, талбай, авто зам дээр цацсан бодисын хайлалт муу байгаа бөгөөд ТҮК-ийн ажилчид 24 цагаар зам, талбайн цасыг цэвэрлэж, бодис цацан шуурхай ажиллажээ.

Тодруулбал, нийт 236 зам талбайн үйлчлэгч, тусгай зориулалтын 65 машин техниктэй ажиллаж, зам талбайд халтиргаа гулгаа үүсэхээс урьдчилан сэргийлж, 251тн бодис, 56тн давс зарцуулсан байна. Үргэлжлүүлэн хариуцсан зам талбай гүүрнүүд рүү өгсүүр уруу замуудад нэмэлтээр бодис цацаж, зам талбайн үйлчлэгч, зам цэвэрлэгээний бичил машинаар явган зам автобусны буудлыг цэвэрлэж эхлээд байна.