Улсын мэргэжлийн хяналтын газрын шалгалтаар Таван богд ХХК-ийн импортолдог "Мөнгөн аягат" шахмал цайнд төмөр болон гадны хольц ихээр агуулсан байгаа нь тогтоогджээ.

Тодруулбал, Хөвсгөл аймагт нэг иргэн "Мөнгөн аягат" цайг худалдан авч хэрэглэхэд хөгцөрч, мөөгөнцөр үүссэн байсан тул тус компанитай холбогдож гомдол гаргасан байна. Түүнчлэн аймгийнхаа Мэргэжлийн хяналтын газарт ханджээ. Тус гомдлын дагуу лабораторид шинжилгээ хийхэд "Мөнгөн аягат" цайнаас хөгц, мөөгөнцөр илэрсэн байна. Улмаар мэргэжлийн хяналтын ерөнхиий газраас уг цайг худалдан борлуулахгүй, худалдаж авахгүй байхыг онцгойлон анхааруулжээ.