Өнгөрсөн долоодугаар сарын 1-нээс аравдугаар сарын 21-ны хооронд цахим орчинд “MGM.Casino” гэх нэртэй мөрийтэй тоглоомын сайт ажиллуулж, иргэдэд 2.1 тэрбум төгрөгийн хохирол учруулсан этгээдүүдийг илрүүлжээ. Тодруулбал, тус хэргийг Б, Х, О нар нь үйлдсэн бөгөөд тэд өмнө нь удаа дараагийн ял шийтгэл эдэлж байсан аж.

Тиймээс тус этгээдүүдэд Эрүүгийн хуулийн тусгай ангийн 20.17 /Мөрийтэй тоглоом зохион байгуулах/, 18.6 /Мөнгө угаах/ зүйлүүдэд зааснаар Эрүүгийн хэрэг үүсгэж яллагдагчаар татахаар Нийслэлийн прокурорын газарт хүргүүлсэн байна.

Дээрх этгээдүүд нь гэмт хэрэг үйлдэхдээ 8 иргэний нэр дээр бүртгэлтэй Хаан банкны дансныг ашиглан, бооцооны мөнгөө авч хууль бус орлогоо нуун далдалдаг байсан нь шалгалтаар тогтоогдсон аж.