Францын шигшээ багийн ахлагчаар Килиан Мбаппе сонгогдлоо. Өдгөө 24 настай түүний хувьд аль хэдийнэ 200 гоолын босгыг давж ПСЖ клубийн бүх цаг үеийн мэргэн буучдын жагсаалтыг тэргүүлэх болсон билээ.

Тэгвэл Өмнөх ахлагч Уго Льорис шигшээ багаасаа зодог тайлсан тул Францын багийн дасгалжуулагч Дидье Дешамын шийдвэрээр, Мбаппег 2024 оны Европын АШТ-ий урьдчилсан шатны тоглолтын өмнө багийнхаа шинэ ахлагчаар зарлав.

2022 онд 56 тоглолтод 56 гоол оруулан, хөлбөмбөгийн ертөнц дэх мэргэн буучаар тодорсон Мбаппе өнгөрсөн жил ДАШТ-д найман гоол оруулж "Алтан шаахай" шагналыг хүртсэн билээ. Тэрбээр шигшээ тоглолтод Аргентиний багийн эсрэг хэттрик хийсэн. Мбаппе шигшээ багийнхаа төлөө 66 тоглолтод 36 гоол оруулаад байна.

Э.Ариунтуяа