Энэ мэдээ хуучирсан буюу 2023/03/20-нд нийтлэгдсэн мэдээ болно.

Д.Мөнх-Эрдэнийг ДАХИН ЦАГДАН ХОРЬЖЭЭ

Ангилал
 Хууль эрх зүй
Огноо
Унших
2 минут 6 секунд

Консул асан Д.Мөнх-Эрдэнийг өнгөрсөн долоо хоногт шүүхээс суллаж, зорчих эрхийг нь хязгаарласан шийдвэр гаргасан. Тодруулбал, Эрүүгийн хэрэг хянан шийдвэрлэх тухай хуулийн 14.1 дүгээр зүйлийн 3 дахь хэсэгт зааснаар түүнд Монгол Улсын хилээр гарахыг хязгаарлах хязгаарлалт тогтоох, бусад газар зорчихыг хориглох хязгаарлалт тогтоох таслан сэргийлэх арга хэмжээ авч шийдвэрлэсэн байдаг.

Тэгвэл прокуророос Д.Мөнх-Эрдэнийг сулласан шийдвэр гарсанд Ерөнхий шүүгчид гомдол гаргасан байна. Улмаар шүүгчийн гаргасан шийдвэрийг Ерөнхий шүүгч нь хүчингүй болгосноор Д.Мөнх-Эрдэнийг дахин цагдан хорьсон байна.

Сануулахад, түүнийг Монгол Улсаас Бүгд Найрамдах Хятад Ард улсын Өвөр Монголын өөртөө засах орны Хөх хотод суух Ерөнхий консулаар ажиллаж байхдаа эрх мэдэл, албан тушаалын байдлаа урвуулан ашиглаж өөртөө болон бусдад давуу байдал бий болгосон, төсвийн хөрөнгийг зориулалтын бусаар зарцуулсан, бусдын нэр төр, алдар хүндэд халдсан илт худал мэдээллийг олон нийтэд тараасан, хууль сахиулагчийг албан үүргээ биелүүлэхтэй нь холбогдуулан хүч хэрэглэж эсэргүүцсэн, мөн Монгол Улсын Байгаль орчин, аялал жуулчлалын яамны тусгай хамгаалалттай нутгийн удирдлагын газрын даргын албан үүргийг түр орлон гүйцэтгэж байсан Б, Богдхант Уулын дархан цаазат газрын хамгаалалтын захиргааны газрын даргын албан үүргийг түр орлон гүйцэтгэгчээр ажиллаж байсан П нарт албан тушаалын байдалтай холбогдуулан хахууль өгсөн гэх хэрэгт Эрүүгийн хуулийн 22.1 дүгээр зүйлийн 1, 22.4 дүгээр зүйлийн 1, 22.5 дугаар зүйлийн 1-т зааснаар яллах дүгнэлт үйлдэн Чингэлтэй дүүргийн Эрүүгийн хэргийн анхан шатны шүүхэд шилжүүлээд байгаа юм

Насанд хүрээгүй хүүхдэд садар самуун кино үзүүлж, бэлгийн харьцаанд орохыг санал болгосон иргэний хэргийг шүүхэд шилжүүлжээ
Насанд хүрээгүй хүүхдэд садар самуун кино үзүүлж, бэлгийн харьцаанд орохыг санал болгосон иргэний хэргийг шүүхэд шилжүүлжээ
 
Улаанбаатарт -14 хэмийн хүйтэн байна
Улаанбаатарт -14 хэмийн хүйтэн байна
Энэ мэдээ хуучирсан буюу 2023/03/20-нд нийтлэгдсэн мэдээ болно.