Энэ сарын 4-ний өдрийн 11.00 цагийн орчимд Баянзүрх дүүргийн 27 дугаар хорооны нутаг дэвсгэрт хүн амины ноцтой хэрэг гарсан. Тодруулбал, 48 настай эрэгтэй Б гэгч нь 8 сартай жирэмсэн эмэгтэйг, 4 настай охинтой нь хамт хутгалан хөнөөж, 3 настай охиныг нь мөн хутгалж гэмтээсэн юм. Өдгөө гэмтэл авсан 3 настай охин эмнэлэгт хүнд, сэхээний тасагт эмчлүүлж буй.

Тэгвэл уг хэргийн талаар Хууль зүй, дотоод хэргийн Дэд сайд Д.Мөнх-Эрдэнэ мэдээлэл хийж байна.

Тэрбээр "СЭМҮТ-ийн хатуу хяналтад байх ёстой хүн яагаад гадуур сул чөлөөтэй явж байсныг шалгаж тогтооно. Ямар шинжилгээний дүгнэлтийг үндэслэж суллагдсан эсэхийг ч шалгана" гэлээ.