Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг хянан шалгах түр хорооноос Нотлох баримтыг шинжлэн судлах сонсголын гурав дахь шат Төрийн ордноо өнөөдөр /2023.03.17/ тав дахь өдрөө үргэлжилж буй. Сонсголоор ХАА, хөнгөн үйлдвэрийн ноос, ноолуур сүү хүлэмж, оёдлын салбарт хэрэгжсэн төсөл хөтөлбөр, түүнд олгосон зээлийг хэлэлцэж байгаа юм.

Сүү, сүүн бүтээгдэхүүн үйлдвэрлэлийн төсөлд зориулж 44 зээлдэгчид, 52.7 тэрбум төгрөгийн санхүүжилт олгогдсоноос энэ оны нэгдүгээр сарын 31-ний өдрийн байдлаар 11 зээлдэгчийн 2.4 тэрбум төгрөгийн зээл төлөгдөөгүй байгаа юм. Ингэхдээ 7 зээлдэгчийн үндсэн хөрөнгө буурсан, 22 зээлдэгчийн үндсэн хөрөнгийн үлдэгдэлд өөрчлөлт ороогүй, 8 зээлдэгч хөрөнгийн бүртгэлгүй байгаа бол 5 зээлдэгч "Сураггүй алга болсон" төлөвт бүртгэлтэй байгаа аж.