Ерөнхий сайд Л.Оюун-Эрдэнэ өнөөдөр нүүр амны тусламж үйлчилгээ үзүүлж буй эмч, эмнэлгийн мэргэжилтнүүдтэй уулзлаа. Уулзалтаар шүд цооролтын өвчлөл маш их байгааг эмч, мэргэжилтнүүд онцлов. Тодруулбал, эрт илрүүлэх үзлэг, оношилгоонд өнөөдрийн байдлаар 860,000 гаруй хүн хамрагдсан. Үзлэгт хамрагдсан нийт хүний 64.8 хувь нь 0-17 насны хүүхэд байгаа бол хүүхдийн өвчлөлийн 238,184 сэжигтэй тохиолдол бүртгэгдсэн байна.

Өвчлөл бүртгэгдсэн тохиолдлоос шүд цоорох өвчлөл хамгийн их буюу 61.5 хувийг эзэлсэн байна.

Тиймээс Ерөнхий сайд Л.Оюун-Эрдэнэ ирэх жилээс үндэсний хэмжээнд ШҮД төслийг хувийн хэвшилтэй хамтран эхлүүлэхээр төлөвлөж байгаагаа мэдэгдлээ.