Засгийн газрын хуралдаанаас гаргасан шийдвэрийн талаар УУХҮ-ийн сайд Ж.Ганбаатар мэдээлэл хийв. Тэрбээр "Биржийн тухай хууль долдугаар сарын 1-нээс хэрэгжиж эхэлнэ. Энэ хуулийн 5.5-8-д биржийг Хөрөнгийн биржийн дор эсвэл бие дааж байгуулна гэж заасан. Энэ шийдвэрийг Засгийн газар гаргасан гэсэн заалттай. Өнөөдөр Засгийн газар Монголын хөрөнгийн биржийг түшиглээд нүүрсээ зарна гэсэн шийдвэр гаргалаа. Маргааш "Эрдэнэс Монгол" компани гурван дуудлага худалдаагаар 21 харилцагч компанид 3 удаагийн дуудлага худалдаагаар ойролцоогоор 130-140 мянган тонн нүүрс биржээр зарахаар төлөвлөж байна. Энэ нүүрс нь сарын нүүрс гэж ойлгож болно" гэлээ.