Хөгжлийн банкны асуудлаарх нотлох баримтыг шинжлэн судлах хоёр дахь удаагийн сонсгол хоёр дахь өдрөө үргэлжилж байна. Өчигдрийн сонсголоор 2016, 2020 онд ХБ-нд хяналт шалгалт хийсэн эрх бүхий байгууллагуудын тайлан, тэдгээрийн зөвлөмжийн үр дүнг хэлэлцсэн юм. Энэ үеэр Монгол Улсын Хөгжлийн банкны санхүүгийн тайланд хийсэн аудитын шалгалтаар 2021 онд нэр бүхий долоон албан тушаалтанд 159 сая төгрөгийн цалинг давхардуулж тооцож олгосон байна. Тодруулбал, эдгээр долоон албан тушаалтан Хөгжлийн банкны охин компанид ажилласан гэдгээр давхар цалин авсан байна гэх актыг төрийн аудитын байгууллагаас тавьжээ. Гэвч тус актыг одоо болтол хэрэгжүүлээгүй байгаа гэдэг шинжээчийн дүгнэлт гарчээ.