Хөгжлийн банкны асуудлаарх Хянан шалгах түр хорооноос мэдээлэл хийлээ. Энэ удаагийн сонсгол ирэх сарын 6-11-ний өдрүүдэд зохион байгуулагдах юм. Сонсголын талаар Хянан шалгах түр хорооны дарга, УИХ-ын гишүүн Б.Энхбаяр "Гурван удаагийн сонсгол дууссаны дараа Түр хороо парламентад тайлангаа тавина. Нөгөө талд ард түмний мэдэх эрхийг хангахаас гадна хууль хяналтын байгууллагууд төдийгөөс өдий хүртэл хугацаанд ямар байдалтай ажиллаж ирэв гэдэгт дүгнэлт хийх боломжийг олгож байгаа юм. Зөвхөн нотлох баримтын хүрээнд сонсгол явагдаж байгаа. Хоёр дахь удаагийн сонсголд одоогийн байдлаар 100 гэрчид мэдэгдэх хуудсыг хүргүүлэх ажлыг хийнэ. Энэ тоо нэмэгдэж болзошгүй. Энэ долоо хоногийн хяналт шалгалтын үр дүнгээс шалтгаална" гэлээ.