БНЧУ-ын Ческа Липа хотод амьдарч байсан монгол эмэгтэй гэрээсээ салхилах гэж гараад ор сураггүй алга болоод буй. Түүнийг эрэн хайх ажиллагааг явуулж байсан ч нас барсан байдалтай олдсон гэх мэдээлэл гараад байгаа юм. Энэ талаар ГХЯ-наас тодруулахад "Сураггүй алга болсон эмэгтэй нас барсан байдалтай олдсон. Хэргийг Чехийн цагдаагийн байгууллага шалгаж байгаа. ГХЯ болон Прага дахь ЭСЯ ар гэрийнхэнтэй нь холбоотой ажиллаж байна" хэмээлээ.
Тус эмэгтэйг жирэмсэн байсан гэж эх сурвалжууд мэдээлж буй.
Сануулахад, БНЧУ-д 12000 орчим Монгол иргэн ажиллаж, амьдарч байна.
