Өнгөрсөн долоо хоногт Хөгжлийн банкны асуудлаар Түр Хянан шалгах хорооны анхны сонсгол Төрийн ордонд болж өндөрлөсөн. Энэ үеэр "Нью Яармаг Хаусинг Прожект" ХХК-ийн Хөгжлийн банкнаас авсан зээлийн асуудлыг хэлэлцсэн байдаг. Тэгвэл эл компанийн зээлтэй холбогдуулан УИХ-ын гишүүн Б.Энхбаяр "100 сая төгрөгөөр Яармагт газар худалдаж аваад газрынхаа гэрчилгээг гаргуулсанаас хойш ХОЁР хоногийн дараа уг газраа Хөгжлийн банканд барьцаалаад 50 сая ам доллар авчихдаг ийм БЯРТАЙ хүнийг би бол амьдралдаа хараагүй" гэжээ.