Хөгжлийн банкны сонсгол Төрийн ордонд дөрөв дэх өдрөө үргэлжилж байна. Сонсголоор "Нью Яармаг Хаусинг Прожект" ХХК-ийн Хөгжлийн банкнаас авсан зээлийн асуудлыг хэлэлцэж байна. Тодруулбал, эл компани нь ЗГ-ын тогтоолын дагуу санхүүжүүлсэн "Шинэ Яармаг" орон сууцны цогцолбор хороолол барих төслийг санхүүжүүлэхээр Хөгжлийн банкнаас 29.1 сая ам.долларын зээлийг авсан байдаг. Ингэхдээ 1.2 сая ам.долларыг бэлнээр болон хамаарал бүхий этгээдээр авсан нь зориулалт бус зарцуулалтад багтана гэж шинжээч танилцуулсан юм.

Энэ үеэр УИХ-ын гишүүн Т.Доржхандын "Та Баттулгын зөвлөх байсан. 2012 онд та хэдэн настай байсан бэ. Ямар асуудлаар зөвлөдөг байв" гэх асуултад "Шинэ яармаг" ХХК-ийн захирал Ц.Ууганбаяр дараах хариултыг өгөв.