Америкийн хүүхдийн эмнэл зүйн академи(AAP) аутизмийн эмгэгийг эмчлэх шинэ зааварчилгаандаа эмч нарт эмгэгт өртөх эрсдэлтэй хүүхдүүдийг илрүүлэх, эмчилгээг аль болох эрт эхлүүлэхэд чиглэнэ гэж даваа гарагт мэдэгдлээ.

Аутизмтай хүүхдүүдэд хөгжлийн хоцрогдол илэрхий байдаг тул хүүхдийн хяналт үзлэгээр ирж буй хүүхдүүдийг аутизмийн эмгэгтэй эсэхийг шалгах, шинж тэмдэг илэрсэн тохиолдолд албан ёсны хяналт шалгалтыг хүлээлгүйгээр эмчилгээ хийж эхлэх хэрэгтэйг хүүхдийн эмнэл зүйн сэтгүүлд бичжээ.  

Америкт таван сая гаруй хүн аутизмтай. “Аутизмтай хүүхдүүдийг аль болох эрт илрүүлснээр тэд эмчилгээг эрт авах боломжтой болно” гэж хүүхдийн хөгжлийн болон зан үйлийн эмч Др Сузан Лэви ярилцлагадаа дурджээ.