Бээжин, Вашингтон худалдааны зөвшилцөлд хүрсний дараа хүмүүсийн дунд эргэлзээ давамгайлж байсан ч хөрөнгө оруулагчид нэмэгдсэнээр Азийн хувьцаанууд даваа гарагт өссөн үзүүлэлттэй байна.
Америкийн нэгдсэн улсын худалдааны төлөөлөгч Роберт Лайтхайзер ням гарагт мэдээлэхдээ худалдааны гэрээ “бүрэн хийгдсэн”, одоо нягталж шалгах л үлдээд байна, дараагийн хоёр жил АНУ-аас Хятад руу хийх экспортын хэмжээ хоёр дахин нэмэгдэнэ гэжээ.
“Энэ мэдэгдэл хоёр улсын хувьд зөв чиглэл болж байгаа ч, худалдааны маргаан үүсэх магадлалыг бүрэн үгүй хийхгүй” гэж ANZ-ийн шинжээчид хэлж байна.
Ням гарагт АНУ-аас Хятадын импортод ногдуулахаар тогтоогоод байсан 160 тэрбум долларын татвараас өмнө “нэгдүгээр шат”-ны зөвшилцөлд хүрсэн. Хоёр улсын хооронд 17 сар үргэлжилсэн худалдааны маргаан санхүүгийн зах зээлд эмх замбараагүй байдлыг авчирч, дэлхийн эдийн засагт сөрөг нөлөө үзүүлж байсан юм.
Эх сурвалж: Reuters
