Долоо хоног бүрийн Даваа гарагт УИХ дахь бүлгүүд хуралддаг. Тэгвэл өнөөдөр /2022.01.09/ МАН-ын бүлэг 10.00 цагт Жанжин Д.Сүхбаатарын танхимд хуралдана. Бүлгийн хуралдаанаар нүүрсний хулгайн асуудлыг голчлон хэлэлцэхээс гадна УБТЗ-д удирдлагууд холбогдсон хэргийн талаар хэлэлцэх аж.
Эргэн сануулахад, энэ сарын 5-6-нд шилжих шөнө ЭЦГ-аас С.Батдөлийн гэр болон хамаарал бүхий этгээдийн гэрт нэгжлэг хийж, 7.3 тэрбум төгрөг бэлнээр, 4 тэрбум төгрөгийн үнэ бүхий үл хөдлөх хөрөнгийг үндэслэлгүйгээр авсан байж болзошгүй хэмээн хураан шалгаж буй. Ийнхүү С.Батдөлийг 48 цаг хойшлуулшгүйгээр барьсан ч сулласан нь олны нийтийн эгдүүцлийг хүргээд буй. Учир нь гэрээс нь олон тэрбум төгрөг илрүүллээ хэмээн сүр дуулиантайгаар баривчилж, мэдээлэл хийсэн ч ийнхүү сулласан хэргээ нуун далдлах хангалттай боломж олголоо гэх хардлагыг олон нийтэд төрүүлж байгаа юм.
