Энэ мэдээ хуучирсан буюу 2022/12/25-нд нийтлэгдсэн мэдээ болно.

“Цас орж, халтиргаа гулгаа үүсэхэд 400 орчим алба хаагч, бодис, давс цацах 15 машин, цас цэвэрлэх 15 машин бэлэн байдалд байна“

Ангилал
Нийгэм
Огноо
Унших
3 минут 6 секунд

Улаанбаатар хотын нийтийн эзэмшлийн зам талбайд халтиргаа гулгаа үүсэж, иргэд, олон нийтээс хүсэлт, гомдол ирж буйтай холбогдуулан Нийслэлийн Засаг дарга бөгөөд Улаанбаатар хотын Захирагч Д.Сумъяабазар дүүргийн удирдлагууд, холбогдох хүмүүстэй уулзаж, амралтын өдрүүдээр шаардлагатай арга хэмжээг авч, нөхцөл байдлыг даваа гараг гэхэд хэвийн болгохыг үүрэг болгосон билээ.

Энэ хүрээнд төвийн зургаан дүүрэг, Улаанбаатар хотын Захирагчийн ажлын алба, Хот тохижилтын газар ОНӨААТҮГ-аас нийтийн эзэмшлийн зам талбайг цэвэрлэх, цацах давс, бодисын нөөц бүрдүүлэх, ажиллах албан хаагч, машин техникийн бэлэн байдлыг хангах арга хэмжээг авч буй.

Хот тохижилтын газар ОНӨААТҮГ-ын Ногоон байгууламжийн албаны дарга Н.Магсар “Төвийн зургаан дүүргийн нийтийн эзэмшлийн талбай, явган болон авто замын цас мөсийг арилгахаар 400 гаруй хүний бүрэлдэхүүнтэйгээр эрчимжүүлсэн байдлаар ажиллаж байна. Өчигдрөөс эхлээд цас орох тул бид мөн бэлэн байдлыг хангах үүднээс тодорхой арга хэмжээнүүдийг авч байна. Тухайлбал, цацах давс, бодис татан авах, мөн машин техникийг бэлэн байлгаж буй. Цас орж, халтиргаа үүсэхэд ажиллах 400 орчим албан хаагч, бодис, давс цацах 15 машин, цас хусаж цэвэрлэх 15 машинаас гадна бичил машинуудыг бэлдсэн” гэлээ.

УБЗАА-ны Хөрс, орчны бохирдол, ариутгал хариуцсан мэргэжилтэн Б.Мөнхжаргал “Хотын даргын өгсөн үүрэг чиглэлийн дагуу Улаанбаатар хотын Захирагчийн ажлын алба дүүргүүдийн холбогдох аж ахуйн нэгжүүдтэй хуралдсан. Энэ тал дээр уялдаа холбоотой ажиллаж, зохион байгуулах тал дээр онцгой анхаарч байна. Зам, талбайд цацах давс, бодисын нөөц бүрдүүлэх, ажиллах албан хаагч, техникүүдийг хуваарилан ажиллаж байна” хэмээсэн юм.

Хан-Уул дүүргийн 1 дүгээр хорооны Засаг дарга И.Сарангэрэл “Хан-Уул дүүргийн хэмжээнд сар бүрийн хоёр дахь долоо хоногт их цэвэрлэгээг зохион байгуулдаг. Хотын даргаас өгсөн үүрэг чиглэлийн дагуу бид аж ахуйн нэгж, байгууллагад албан бичиг илгээж, их цэвэрлэгээг эхлүүлээд байна. Дүүргийн төрийн өмчийн сургууль, цэцэрлэг, СӨХ зэрэг 1200 орчим байгууллага 2000 гаруй хүний бүрэлдэхүүнтэйгээр 10100 гаруй ам метр талбайг цэвэрлэж, 40 тонн цас, мөс хог хаягдал ачууллаа. Албан байгууллагуудаас гадна хороод ч энэ их цэвэрлэгээнд идэвхтэй оролцож байна. Энэ амралтын өдрүүдээс эхлээд цас орох төлөвтэй байгаа тул цацах давс, бодисын нөөц бүрдүүлэх зэргээр бэлэн байдлыг хангаж байна” хэмээв.

СЭРЭМЖЛҮҮЛЭГ: Зүүн аймгуудын нутгаар цасан шуурга шуурахыг анхааруулав
СЭРЭМЖЛҮҮЛЭГ: Зүүн аймгуудын нутгаар цасан шуурга шуурахыг анхааруулав
 
Монгол Ардын Намын Ерөнхий нарийн бичгийн дарга Д.Амарбаясгалан Говь-Алтай аймгийн Цогт, Цээл сумын иргэд сонгогчидтой уулзлаа
Монгол Ардын Намын Ерөнхий нарийн бичгийн дарга Д.Амарбаясгалан Говь-Алтай аймгийн Цогт, Цээл сумын иргэд сонгогчидтой уулзлаа
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц