Нүүрсний хэрэг сөхөгдөж, "өндрийг авсан" эл өдрүүдэд хэрэгт холбогдуулан шалгаж буй 17 хүний нэрийг зарласны дунд Ерөнхийлөгч асан Х.Баттулга бий. Хууль хяналтын байгууллагууд эл нэрсийг ил болгохын өмнөхөн хэд хэдэн улс төрч нүүрсний гэх хэрэгт хамгийн түрүүнд шалгах ёстой хүн нь Х.Баттулга хэмээн нэрлээд амжсан. Тэгвэл тэрбээр өчигдөр АТГ-д өөрийн биеэр очиж, мэдүүлэг өгсөн. Үүссэн нөхцөл байдалтай холбогдуулан Ерөнхийлөгч асан Х.Баттулга нэр бүхий гурван улс төрчтэй холбоотой кино "хийсэн" гэх мэдээлэл байна.

Энэ талаар улс төрийн хүрээний зарим хүмүүс ч бичиж эхэллээ. Тухайлбал, Ерөнхий сайд асан М.Энхсайхан өөрийн албан ёсны сошиал хуудаснаа "Хүүкийн талаар нэг, Амарбаясгалангийн тухай нэг, Ч.Хүрэлбаатарын нүүрсчнийг "баталсан" нэг, тус бүр гурван ангит кино бэлдээд байгаа сурагтай. "Ахыгаа баригдахаар цацаарай" хэмээн шулмууддаа сайтар захисан сурагтай" гэжээ.