Прокурортой ял тохиролцож, хялбаршуулах журмаар шийдүүлэхээр хандсан "Нүүрсний" гэх хэргийг Шүүх хүлээж авахаас татгалзаж, прокурорт буцаасан гэх агуулга бүхий мэдээлэл зарим хэвлэл мэдээллийн хэрэгслээр гарсан. Эл мэдээллийг Улсын Ерөнхий прокурорын газраас үгүйсгэж, ташаа мэдээлэл хэмээн мэдэгдлээ.

Нийслэлийн прокурорын газраас яллах дүгнэлт үйлдсэн “Автотээврийн Үндэсний төв” Төрийн өмчит үйлдвэрийн газрын Цогтцэций салбарын даргаар ажиллаж байсан Д нарт холбогдох хэргийг Өмнөговь аймгийн Ханбогд сум дахь сум дундын эрүүгийн хэргийн анхан шатны шүүхийн урьдчилсан хэлэлцүүлгээр хэлэлцэж, хэрэгт нэмэлт мөрдөн байцаалтын ажиллагаа хийлгэхээр прокурорт буцаасан. Дээрх хэргийг прокуророос ердийн журмаар шүүхэд шилжүүлсэн бөгөөд хялбаршуулсан журмаар хэрэг хянан шийдвэрлэх ажиллагаа явагдаагүй байгаа аж.