ШШГЕГ-ын Д.Загджавыг өнгөрсөн долоо хоногт чөлөөлж, оронд нь ЦЕГ-ын дэд дарга О.Амарсанааг томилсон билээ. Тэгвэл өмнөх даргыг чөлөөлсөн асуудлаар ХЗДХ-ийн сайд Х.Нямбаатар тайлбар хийлээ.

Тэрбээр "ХЗДХ-ийн яамны ТНБД-аар ахлуулсан ажлын хэсэг гарч ажилласан байдаг. Тодруулбал, Удирдлага зохион байгуулалт, сахилга бат, санхүү, хөрөнгөтэй холбоотой асуудал болоод томилгоотой холбоотой асуудлаар шалгалтын ажлууд явагдсан. ШШГЕГ-ын харьяа аймгуудын ШШГГ-ууд болон харьяа хорих ангиуд дээр санхүүгийн сахилга бат алдагдаж, алын хариуцлага алдагдсантай холбоотой зөрчил дутагдлууд илэрсэн. Үүнтэй холбогдуулан ажлын хэсгийн дүгнэлтийг үндэслэн миний бие ХЗДХ-ийн сайдын хувиар Засгийн газрын хуралдаанд оруулж, ШШГЕГ-ын даргыг өөрчлөх саналыг оруулж хуралдаанаар эцэслэн шийдвэрлэсэн байдаг.

Оронд нь ЦЕГ-ын дэд дарга, цагдаагийн хурандаа О.Амарсанааг томилуулах саналыг оруулж, Засгийн газрын шийдвэрээр хэрэгжүүлэгч агентлаг ШШГЕГ-ын дарга томилогдоод ажил хэвийн явагдаж байна" хэмээлээ.