Өмнөговь аймгийн Цогтцэций сумын Сийрст багийн Зайрмагт гэдэг газарт аравдугаар сарын 30-ны өдрийн 20:58 цагт 2 автомашин шатаж байна гэсэн дуудлага мэдээлэл ОБГ-т иржээ.

Дуудлагын дагуу тус аймгийн Онцгой байдлын газрын Гал түймэр унтраах, аврах 44 ангийн алба хаагчид 40 км замыг туулан 22:34 цагт очиход Цогтцэций сумаас “Цагаан хад” гэдэг газрын чиглэлд зорчиж явсан иргэн Ж /43 настай, эрэгтэй/-ын “Шаанкси” загварын ачааны автомашин, иргэн Ө /48 настай, эрэгтэй/-ын “Шаанкси” загварын ачааны автомашинтай мөргөлдсөнөөс 2 автомашины бүхээг, урд дугуй тус тус шатаж байсныг 24 минут ажиллаж унтраан Цогтцэций сумын Цагдаагийн хэлтсийн замын цагдаагийн ахлах зохицуулагчид шилжүүлэн өгсөн байна. Мөн гал түймэрт 2 автомашины жолооч өртөж нас баржээ.