Өнгөрөгч амралтын өдрүүдэд зарим нутгаар их хэмжээний цас орж, автозамын хөдөлгөөнд халтиргаа гулгаа үүссэнтэй холбогдуулан замын хөдөлгөөний аюулгүй байдлыг хангах, иргэдийг аюул, ослоос урьдчилан сэргийлэх зорилгоор Сүхбаатар, Хэнтий, Дорнод чиглэлийн нийтийн зорчигч тээврийг зогсоосон.

Тэгвэл тус чиглэлийн нийтийн тээврийн хөдөлгөөнийг хэзээ нээх болон бусад аймгуудад цасанд боогдож, хаагдсан зам бий эсэх талаар АТҮТ-өөс тодруулахад "Сүхбаатар, Хэнтий, Дорнод чиглэлийн нийтийн зорчигч тээврийг өнөөдрийн 10:00 цагаас эхлэн нээж байна. Хөдөлгөөн хэвийн үргэлжилнэ. Бусад аймгуудын нутгаар хаагдсан зам байхгүй" гэлээ.