Өнөөдөр буюу Даваа гаригт Төвийн, Говийн аймгууд (СЭ, ТӨ, ДУ, ГС, ДГ болон ӨМ-ийн зарим сумд) болон Зүүн аймгуудын (Хэнтий, Дорнод, Сүхбаатар) нутгаар салхины хурд 20-26 м/сек хүрч хүчтэй шороон шуурга шуурах төлөвтэй байна. 

Шуурга өглөөний 10:00-11:00 цагаас эхэлж оройн 19:00-20:00 цаг хүртэл үргэлжилнэ.  Шуурганы гол хүчтэй хэсэг нь үдийн 12:00-16:00 цагийн орчимд тохиох өндөр магадлалтай байгаа тул өнөөдөр өдөр дээр дурьдсан аймаг, сумдын нутгаар гадаа ямарваа ажлыг хийхэд тохиромжгүй, эрсдэл өндөртэй байхаар байна.

УЛААНБААТАР ХОТ ОРЧМООР: Үүлшинэ. Бороо орохгүй. Салхи баруун хойноос секундэд 6-11 метр, зарим үед секундэд 13-15 метр хүрч ширүүснэ. Шөнөдөө Яармаг-Сонгины орчмоор 2-4 градус хүйтэн, бусад хэсгээр 1-3 градус, өдөртөө 15-17 градус дулаан байна.

Хур тунадас: Нутгийн зүүн хэсгээр үүлэрхэг, бусад нутгаар багавтар үүлтэй. Зүүн аймгуудын нутгийн зарим газраар бороо, нойтон цас орно. Бусад нутгаар бороо орохгүй.