Румын улсын Мамаиа хотод 2022 оны есдүгээр сарын 05-17-ны өдрүүдэд "2022 оны өсвөрийн шатарчдын 14,16,18 насны ангиллын дэлхийн аварга шалгаруулах тэмцээн" болж байна. Тэмцээнд 15-16 насны охидын ангилалд Монгол Улс "Гэгээн арвай" клубын тамирчин дэлхийн шатрын холбооны мастер ДАВААХҮҮГИЙН МӨНХЗУЛ 11 өргөөс 8.5 оноо авч, хожигдолгүй түрүүлж энэ цаг мөчөөс хойш дэлхийн хошой аварга Д.МӨНХЗУЛ болж байна.

Д.Мөнхзул маань өдгөөгөөс 8 жилийн өмнө 2014 онд ӨАБНУ-ын Дурбан хотноо зохиогдсон өсвөрийн шатарчдын дэлхийн аварга шалгаруулах тэмцээний 8 хүртэлх насны ангилалд тэргүүн байр эзэлж анхны дэлхийн аваргын цомоо өргөж байжээ.