С.Энхболд: Эрүүл мэндийн салбарыг бүрэн цахимжуулна

Ангилал
Улс төр Нийгэм
Хэзээ
Унших
1 минут 49 секунд
Гэрэл зургийг mpa.mn

ЦХХХ-ны Н.Учрал, Эрүүл мэндийн сайд С.Энхболд нар цахим шилжилттэй холбоотойгоор уулзалт зохион байгуулав.

Энэ үеэр ЭМ-ийн сайд С.Энхболд дараах мэдээллийг өглөө. Тэрбээр, "Эрүүл мэндийн салбарыг цахимжуулах ажил олон жилийн өмнөөс эхлэлтэй. Гэвч өнөөдөр 37 өөр программ манай салбарт ашиглаж байна. Эдгээр нь хоорондоо мэдээлэл солилцдоггүй. Үүний улмаас иргэд эмнэлэг бүрд карт нээлгэж, эмнэлэг хооронд олон цаас, шинжилгээний бичиг зэргээ аваад явж буй. Үүнийг өөрчлөхийн тулд Эрүүл мэндийн салбарыг цахим шинэчлэлийг эрчимжүүлэх чиглэлд анхаарч ажиллаж байна.

Өнөөдрийн уулзалтаар Цахим хөгжил, харилцаа холбооны яамнаас арга зүйн зөвлөгөө, мэргэжлийн тусалцаа хүссэн юм. Н.Учрал сайд эрүүл мэндийн цахимжилтад тулгарч буй саад бэрхшээлийг ойлгож хоёр сайдын хамтарсан тушаал гаргах замаар тулгарч буй асуудлыг шийдэх ажлын хэсгийг байгуулна. Эрүүл мэндийн салбарт Дэлхийн банкны санхүүжилттэй Эрүүл мэндийн цахимжилт хөтөлбөр хэрэгжиж буй. Энэ төслийг үргэлжлүүлэх, алдааг нь засахад хоёр яам хамтран ажиллах болно. Үүний үр дүнд иргэн бүр и-карттай болж аль ч эмнэлэгт очсон таны мэдээллийг эмч цахимаас харж үйлчилгээ үзүүлэх нөхцөл бүрдэх юм.

Одоогийн байдлаар Эрүүл мэндийн салбар 10 гаруй үйлчилгээгээ E-mongolia-д оруулсан. Цаашид нэмэгдүүлэх бодлого барьж байна. Улмаар эрүүл мэндийн салбарыг бүрэн цахимжуулна" гэлээ.

ШУУД: Монгол Улсын нийгэм, эдийн засгийн статистик үзүүлэлтүүдийг танилцуулж байна
 
“Орон сууц түрээслүүлнэ“ хэмээн бусдаас 15 сая төгрөг залилсан иргэнд 5 жилийн хорих ял оноожээ
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!