Энэ сарын 1-ний оройн 22.00 цагт Ховд аймгийн Булган сумын Байтаг багийн 1 дүгээр гудамжны задгайд иргэн 28 настай эмэгтэй М гэрээсээ гараад сураггүй алга болсон байдаг. Түүнийг алга болсон гэх дуудлагыг ар гэрийнхэн нь энэ сарын 4-ний өдөр онцгой байдлын албанд мэдэгдсэн бөгөөд дуудлагын дагуу аймгийн Онцгой байдлын газрын Булган сум дахь Гал түймэр унтраах, аврах 38 дугаар ангийн алба хаагчид эрэн хайж эхэлсэн байна. Улмаар энэ сарын 5-н буюу өчигдөр 11.40 цагт гэрээс нь хойд зүгт 3 км-ын зайд эзэнгүй айлын хашаанд байсныг эсэн мэнд олж, ар гэрийхэнд нь хүлээлгэн өгчээ.