"Монгол-Орос-3" дугаар сургуулийн захирал Ж.Соронзонг ирэх аравдугаар сард чөлөөлөхөө БШУ-ны сайд Л.Энх-Амгалан мэдэгдсэн. Тодруулбал, Ж.Соронзонгийн тэтгэвэрт гарах хугацаа болсон тул чөлөөлөх болсон гэсэн юм.

Тэгвэл түүний албан тушаалд УИХ-ын гишүүн Г.Дамдиннямын эхнэр н.Уянгыг томилно гэх мэдээлэл цацагдсан. Уг мэдээлэлд УИХ-ын гишүүн Г.Дамдинням "Намайг эхнэрээ Орос 3-р сургуулийн захирал болгох гэж байгаа гээд бурж яваа юм байх. Болохоо хүрвэл надтай надгүй болчих хэмжээний боловсрол, туршлага, чадвартай, салбартаа нэр хүндтэй эмэгтэй л дээ.

Хэдийгээр миний эхнэр тэр сургууль байтугайн удирдлага хийх хэмжээний чадвартай ч Орос 3-р сургуулийн захирал болохгүй. Тийм яриа битгий хэл бодол ч бид 2-т байгаагүй, байхгүй" хэмээжээ.