Өнөөдөр МАН-ын УЗ хуралдаж, Засгийн газрын бүтэц, сайд нарын нэрсийг олон нийтэд зарласан. Тэгвэл шинэ Засгийн газрын сайдуудыг Монгол Улсын Ерөнхийлөгч У.Хүрэлсүх хүлээн авч уулзлаа. Энэ үеэр тэрбээр "Та бүхэнд бүгдэд нь амжилт хүсье. Хурдан шуурхай хура зөвлөгөөнүүдээ хийж, шийдвэрээ гаргаад яаралтай ажилдаа орох хэрэгтэй. Хоёр хоногийн дараа есдүгээр сарын 1 болно. Хичээл сургууль эхлэх гэж байна. Өвлийн бэлтгэл ажил гэж том ажил байна. Томоохон төсөл хөтөлбөрүүдийг цаг алдалгүй явуулах, улс орны өмнө тавьж буй зорилтуудыг ханган хэрэгжүүлэх шаардлага байгаа.Тиймээс цаг алдалгүй ажилдаа орцгоо. Сайн ажиллах хэрэгтэй" гэв.