Үдээс хойш хуралдсан МАН-ын Удирдах зөвлөлөөс Засгийн газрын бүтэц, сайд нарын нэрсийг тодрууллаа. Сайд нарын нэрс тодрох хүртэл шинэ Засгийн газарт Ардчилсан намынханд дөрвөн сайдын суудал өгөхөөр тохирсон ч эцсийн дүндээ 1-2 сайд л өгөх байх гэх таамгууд гарч байв. Тэр дундаа С.Одонтуяа, Б.Пүрэвдорж нарын гишүүдийн нэрс яригдаж байсан хэдий ч МАН-ын УЗ-аас танилцуулсан сайд нарын нэрс дунд Ардчилсан намын гэх тодотголтой гишүүд байсангүй. Өөрөөр хэлбэл, Ерөнхий сайд Л.Оюун-Эрдэнэ АН-ын засагт орох мөрөөдлийг эцэслэв бололтой.