БНСУ-д 7 хоногийн дотор асрамжийн газарт өсөж, хүмүүжсэн 18, 19 настай хоёр хүүхэд амиа хорлосон нь нийгмийг цочроож байна.

Асрамжийн газарт өсөж, хүмүүжсэн хүүхдүүд 18 нас хүрээд нийгэмд хөл тавьдаг аж. Гэхдээ тэдэнд маш олон бэрхшээл тохиолддог бөгөөд гэр бүл, найз нөхөд, хамт олон гэх хүнгүй тэдэнд ганцаардах, сэтгэл санаагаар унах тохиолдол их байдаг байна.

Энэ долоо хоногт асрамжийн газраас нийгэмд хөл тавьсан 2 хүүхэд амиа хорлосон нь нийгмийг цочролд оруулж байна.

Солонгосын засгийн газар, холбогдох байгууллагууд цаашид асрамжийн газарт хүмүүжиж буй хүүхдүүдэд бүх талын тусламж дэмжлэг үзүүлэх, тэтгэмжийн мөнгийг нэмэх, сургууль болон ажлын байраар хангах, нийгэмд байр сууриа олтол дэмжлэг үзүүлэх гэх мэт олон арга хэмжээ аван ажиллахаар болж байна.