2022-2023 оны хичээлийн шинэ жил эхлэхэд хэдхэн хоног үлдээд байна. Хичээл сургууль эхлэхтэй зэрэгцэн нийслэл хотын автомашины хөдөлгөөний эрчим ихсэж, түгжрэл нэмэгддэг тул сургууль, цэцэрлэгүүдийн үйл ажиллагааг есдүгээр сарынн 1-нд нэг дор эхлүүлэхгүй хэмээн мэдэгдсэн. Үүнтэй холбоотойгоор их, дээд сургуулиудын хичээллэж эхлэх цагийн хуваарьт зохицуулалтуудыг хийжээ. Тухайлбал, МУИС, СУИС, ШУТИС, АШУҮИС-ийн хичээл өглөөний 07:40 цагт эхлэх бол МУБИС, ХААИС, ХҮИС-ийн хичээл 08:40 цагт эхлэх юм. СЭЗИС-ийн хичээл эхлэх цагт өөрчлөлт ороогүй бөгөөд өглөөний 07:40 цагт орно.