УИХ-ын гишүүн Ш.Адьшаа, Н.Ганибал нарын өнгөрөгч 11 дүгээр сард "давхар дээл"-тэй холбоотой гаргасан гомдлыг хэлэлцэх ҮХЦ-ийн Их суудлын хуралдаан үргэлжилж байна. ҮХЦ-ээс энэ талаар тодруулахад "Одоогийн байдлаар 17 цагаас шийдвэрээ танилцуулна" гэсэн хариулт өгч байна.
Ташрамд дурдахад, 2019 оны Үндсэн хуулийн нэмэлт, өөрчлөлтөөр баталсан “Ерөнхий сайд болон Засгийн газрын гишүүдийн дөрвөөс илүүгүй нь УИХ-ын гишүүн байж болно” гэж заасан нь Үндсэн хууль зөрчсөн гэх гомдлыг гишүүд гаргасан байдаг. Хэрвээ Цэц уг гомдол, мэдээллийг Үндсэн хууль зөрчсөн гэж шийдвэрлэх юм бол ЗГ бүтэц бүрэлдэхүүндээ өөрчлөлт оруулах нөхцөл байдал үүснэ. Учир нь Цэцийн Их суудлын хуралдаан эцсийнх байдаг.
