Нийслэлийн Хан-Уул дүүргийн 10 дугаар хороо, Морингийн давааны орчим “Туул” голын усанд эмэгтэй хүн ороод алга болсон тухай дуудлагыг 08.03-ны өдрийн 01:20 цагт иржээ.

Нийслэлийн Аврах ангийн алба хаагчид 01:21 цагт ангиас гарч 20 км замыг туулан 01 цаг 45 минутанд очиход Архангай аймгийн харъяат иргэн Д /30 настай, эмэгтэй, согтууруулах ундаа хэрэглэсэн/-г эрэн хайх ажиллагааг 8-р сарын 3-ны өдрийн 5 цагаас эхлэн “Туул” голын усанд зохион байгуулж, 13 цаг 18 минутанд анх осолдсон газраас баруун зүгт 5 километрт “Сонгино” амралтын хажуугаас голын эргээс цогцсыг олжээ.

Аврагчид цогцсыг Хан-Уул дүүргийн Цагдаагийн 2 дугаар хэлтсийн мөрдөгчид шилжүүлэн өгсөн байна. Тиймээс иргэд та бүхэн архи согтууруулах ундаа хэрэглэсэн үедээ гол руу орохгүй байх нэгэндээ хараа хяналт тавихыг анхааруулж байна