Монгол Улсаар дамжин өнгөрөх хурдны замыг “Чингис Лэнд Девелопмент“ групп барихаар болжээ

Ангилал
Эдийн засаг Эдийн засаг
Хэзээ
Унших
2 минут 3 секунд

Засгийн газрын Шинэ сэргэлтийн бодлого, олон улсын тээвэр ложистикийн “Транзит Монгол” хөтөлбөрүүдийн хүрээнд Азийн авто замын нэгдсэн сүлжээ байгуулах төслийг хэрэгжүүлэхээр болоод буй. Уг төслийг хэрэгжүүлсэнээр манай улс урд, хойд хөрштэйгээ өндөр хурдны автозамаар холбогдох төдийгүй Европ-Ази тивийн улсуудын худалдаа эдийн засгийн харилцаанд чухал үүрэг гүйцэтгэх ач холбогдолтой.

Тодруулбал, БНХАУ-ын Тяньжин боомтоос ОХУ-ын Улаан-Үд хот хүртэл үргэлжлэх 2648 км хурдны автозамын төсөл хэрэгжинэ. Энэхүү хурдны замын 1000 км нь Монгол Улсын нутаг дэвсгэрээр дайран өнгөрөх юм. Тэгвэл тус хурдны авто замын төслийн концесс эзэмшигчээр "Чингис Лэнд Девелопмент Групп" шалгарчээ.

Тус групп нь Итали, Английн зөвлөх компаниудын зөвлөмжийн дагуу төслийн Техник Эдийн Засгийн Үндэслэл, нарийвчилсан зураг төсөл, инженер геологи, геодизи, гидрометрологийн судалгааны ажлуудыг иж бүрнээр нь олон улсын түвшинд хийж гүйцэтгэснээр “Азийн Дэд Бүтэц Хөрөнгө Оруулалтын Банк” болон Олон улсын хөрөнгө оруулалтын сангуудын санхүүжилтээр төслийн бүтээн байгуулалтын ажлыг хийж гүйцэтгэхэд бэлэн болоод байна. Хоёр урсгал, 6 эгнээ бүхий уг хурдны авто замыг барихдаа мал, ан амьтны бэлчээр сэлгэх гарц, элсний нүүдэл хаах ногоон байгууламж, зам дагуух амралт үйлчилгээний цогцолбор болон шинэ суурьшлын бүсүүдийг ч төлөвлөжээ. Худалдааны эргэлт нэмэгдэх, гадаадын шууд хөрөнгө оруулалт өсөх, 150 мянган ажлын байрыг бий болгох уг төсөл нь улсын төсвийн орлогыг ч 25-30 хувь өсгөх тооцоолол бүхий үндэсний томоохон бүтээн байгуулалт болох аж.

Улаанбаатарт 30 хэм дулаан байна
 
Ерөнхий сайд Л.Оюун-Эрдэнэ: Тамхины торгуулийг 50 сая болго
Сэтгэгдэл (2)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!