Үндсэн хуулийн цэцийн өнөөдрийн хуралдаанаар сонгуулийн пропорцианаль тогтолцоог ашиглаж болох эсэх асуудлыг хэлэлцсэн. Гарсан шийдвэрийн талаар УИХ-ын гишүүн Т.Доржханд мэдээлэл хийлээ.

Тэрбээр "Монгол Улсад парламентын ардчилал бэхжих суурь тавигдаж байна. Мөн жижиг 76 тойрог руу төсвөө чангаадаг, тойргоосоо уяатай гишүүдтэй парламент өнөөдрөөс эхлээд дуусгавар болж байна. Учир нь сонгуулийн тогтолцоонд пропорциональ элемент орох нь тов тодорхой боллоо. Ингэснээр Монгол Улс нэг том тойрог болж байна.

Хувь тэнцүүлсэн тогтолцоогоор сонгогдсон парламентын гишүүн Монгол Улсын хөгжлийн төлөө, томоохон бүтээн байгуулалтыг санхүүжүүлэхийн төлөө кнопоо дардаг, мэтгэлцдэг, бодлого ярьдаг болно. Хоёрдугаарт, пропорционал тогтолцоотой болсноор санал гээгдэхгүй" хэмээлээ.