МУГЖ Д.Сосорбарам тэргүүтэй хэсэг иргэд “Монголоо Беларусь болгохгүй” жагсаалыг Хэлмэгсэдийн хөшөөний дэргэд зохион байгуулсан юм. Энэ үеэр нэгэн иргэн "Төрийн цагдаа нар энэ цуглааныг болиулах хэрэгтэй. Монгол Оросгүйгээр хэзээ ч оршин тогтнож чадахгүй. Манжийн дарлалаас Оросгүйгээр 1921 онд чөлөөлөгдөж чадах байсан уу" хэмээн Д.Сосорбарам руу гурил цацаж танхайрсан юм.

Тэгвэл уг үйлдлийг Чингэлтэй дүүргийн цагдаагийн нэгдүгээр хэлтэст шалгаж эхэлсэн байна. Мөн тухайн иргэний цацсан зүйл нь гурил эсэхийг шинжээч томилж, тогтоох аж.