Монгол Улсын Ерөнхийлөгч Ц.Элбэгдорж 25 дугаар суваг телевизийн "Ам нээвэл" нэвтрүүлэгт оролцсон. Энэ үеэрээ Монгол Улсын Ерөнхий сайд асан, УИХ-ын гишүүн Н.Алтанхуягаас уучлал гуйлаа. Тодруулбал, өмнө нь тус нэвтрүүлэгт оролцох үеэрээ "Н.Алтанхуяг Ерөнхий сайд байхдаа намайг огцруулаад өгөөч гэж миний өрөөнд орж ирж байсан" хэмээн хэлсэн байдаг. Уг асуудлаараа шүүхэд дуудагдаж, шүүхээс түүнийг Ерөнхий сайд Н.Алтанхуягийн нэр хүндэд халдсан гэж үзжээ. Тиймээс тус нэвтрүүлгээр дамжуулж ийнхүү уучлал гуйв.