Улсын Их Хурлын гишүүний халдашгүй байдлын дэд хорооны хуралдаан үргэлжилж байна. Хуралдаанаар гишүүдийн бүрэн эрхийг түдгэлзүүлэх эсэх асуудлыг хэлэлцэж байгаа юм. Тодруулбал, Улсын Ерөнхий прокуророос УИХ-ын гишүүн Х.Ганхуяг, Г.Амартүвшин, Н.Алтанхуяг, Ё.Баатарбилэг нарын бүрэн эрхийг түдгэлзүүлэх хүсэлтээ УИХ-ын дарга Г.Занданшатарт хүргүүлсэн. Энэ дагуу УИХ-ын гишүүн Г.Амартүвшин, Н.Алтанхуяг, Ё.Баатарбилэг нарын асуудлыг хэлэлцсэн бол одоо УИХ-ын гишүүн Х.Ганхуягийн асуудлыг хэлэлцэж байна.
