УИХ-ын гишүүн Ё.Баатарбилэг, Х.Ганхуяг, Г.Амартүвшин, Н.Алтанхуяг нарын бүрэн эрхийг түдгэлзүүлэх хүсэлтийг Улсын Ерөнхий прокуророос УИХ-ын даргад хүргүүлээд буй. Тэднийг түдгэлзүүлэх эсэх асуудлыг нэн тэргүүнд Халдашгүй байдлын дэд хороогоор хэлэлцэж, тэндээс гарсан шийдвэрээс шалтгаалан гишүүдийн хувь заяа шийдэгдэх юм.

Халдашгүй байдлын дэд хорооны гишүүн Б.Бат-Эрдэнэ "УЕП-оос оруулж ирсэн хүсэлтийг Халдашгүй байдлын дэд хороо, ХЗБХ, ТББХ хэлэлцээд УИХ-ын чуулганаар хэлэлцэж, эцэслэнэ. Хуулийн дагуу 5 хоногийн дотор хэлэлцэнэ. Тэгэхээр Халдашгүй байдлын дэд хороо хурлаа зарлаад хуралдана. Прокуророос хуулийн дагуу асуудлаа оруулсан бол УИХ энэ асуудлыг нь яаралтай хэлэлцэх ёстой. Шалгуулах шаардлагатай гишүүд байвал энэ асуудлаа хуулийн дагуу шалгуулаад буруутай эсэхээ тогтоолгоод ороод ирэх нь нээлттэй. Халдашгүй байдлын дэд хороо бүх хэрэг материалтай танилцдаг" гэв.